Ads 468x60px

.

Tafuta Kila kitu Hapa

Loading...

Tuesday, June 26, 2012

JK REFA PAMBANO LA WABUNGE SIMBA VS YANGA




Rais wa Jamhuri ya Muungano wa Tanzania, Jakaya Mrisho Kikwete, anatarajiwa kuwa refa wa mchezo wa soka kati ya wabunge mashabiki wa Simba dhidi ya Yanga.
Mechi ya wabunge hao mashabiki wa Simba na Yanga, inatarajiwa kufanyika Julai 7, mwaka huu, Uwanja wa Taifa, Dar es Salaam ikiwa ni moja ya matukio yatakayopamba Tamasha la Usiku wa Tumaini.
Meneja Mkuu wa Global Publishers, wanaoandaa tamasha hilo, Abdallah Mrisho alisema kuwa wameshamuandikia barua JK ya kumuomba awe mgeni rasmi, vilevile awe refa wa mechi hiyo ya wabunge na kwamba matarajio ni mazuri.
“Tuna matarajio ambayo ni chanya kuhusu mheshimiwa rais kuingia uwanjani na kuchezesha mechi ya wabunge na kwa kweli hili litakuwa tukio la kihistoria kuwahi kutokea,’ alisema Mrisho na kuongeza:
“Tunaamini kwamba kitendo cha rais kuchezesha mechi hiyo ya wabunge, siyo tu kwamba kitawafurahisha wananchi watakaohudhuria tamasha hilo la Usiku wa Tumaini, bali pia kitakuwa faraja kubwa kwa kila mhudhuriaji na Watanzania kwa jumla.”
Katika tamasha hilo, mbali na mechi ya wabunge kutakuwa na mchezo wa soka kati ya wasanii wa filamu Tanzania (Bongo Movie) dhidi ya wenzao wa muziki (Bongo Fleva). Vilevile wanafunzi wa Shule ya Sekondari Makongo, watachuana na wenzao wa Shule ya Sekondari Jitegemee.
Upande wa masumbwi, bondia Francis Cheka atamaliza ubishi na Japhet Kaseba, ikikumbukwa kwamba mara ya mwisho walipopigana pambano lao halikufika mwisho.
Kuhusu burudani, wanamuziki wakali jukwaani, Joseph Mayanja ‘Chameleone’ na Nasibu Abdu Juma ‘Diamond’ watapambana kuoneshani ni nani anatisha kwa kumiliki ‘steji’ ukanda wa Afrika Mashariki.
Wakali wa Hip Hop, Ibrahim Mussa ‘Roma’, Rashid Makwilo ‘Chidi Beenz’, Kundi la Pah One na wengine wengi watakuwepo.
Kwa mujibu wa Mrisho, tamasha hilo lina malengo mengi ya kijamii, ikiwemo kuichangia fedha Mamlaka ya Elimu Tanzania ambayo ipo kwenye mradi wa ujenzi wa mabweni nchi nzima.

0 comments:

Post a Comment